OpenAI süni intellekt texnologiyalarını real sektora daha dərindən inteqrasiya etmək məqsədilə yeni bir addım atıb. Şirkət, özünün əsas investorlarından biri olan Thrive Capital-ın ana şirkəti Thrive Holdings-də pay sahibi olur.
Thrive Holdings özünü süni intellektin faydalı ola biləcəyi sahələrdə – məsələn, mühasibatlıq və IT xidmətləri kimi – fəaliyyət göstərən şirkətləri birləşdirən xüsusi investisiya qurumu (private equity) kimi aparır. İndi isə bu strukturun içində OpenAI-nin mühəndislik, məhsul və tədqiqat komandaları birbaşa Thrive-in şirkətlərində fəaliyyət göstərəcək.
Əməkdaşlığın əsas məqsədi:
- Thrive şirkətlərində süni intellektin sürətli tətbiqini təmin etmək,
- Əməliyyat səmərəliliyini artırmaq,
- Və bu şirkətlərin dəyərini artırmaqla OpenAI-yə əlavə gəlir imkanları yaratmaqdır.
Əgər Thrive Holdings-in nəzarətində olan şirkətlər süni intellektlə uğur əldə edərsə, OpenAI-nin bu şirkətlərdəki payı da artırılacaq. CNBC-nin məlumatına görə, OpenAI bu xidmətlərinə görə maliyyə baxımından da kompensasiya alacaq.
Bu, OpenAI-nin son zamanlar izlədiyi strategiyanın bir hissəsidir: şirkət yalnız texnologiya təchizatçısı kimi yox, həm də investisiya tərəfdaşı kimi çıxış edir. Daha əvvəl OpenAI, texnoloji infrastruktur tərəfdaşları olan AMD və CoreWeave kimi şirkətlərə də sərmayə yatırmışdı.
Dərc edildi:
01.12.2025
