Humanoid robotların inkişaf mərhələsi açıqlanıbHumanoid robotların inkişaf mərhələsi açıqlanıb İnsanabənzər robotların inkişaf səviyyəsi hələlik uşaq mərhələsindədir. Bu fikri Çinin Unitree Robotics şirkətinin qurucusu Van Sinsin səsləndirib.
Onun sözlərinə görə, mövcud robototexnika təxminən 10 yaşlı uşağın bacarıqları ilə müqayisə oluna bilər. Texnologiya sürətlə inkişaf etsə də, humanoid robotların geniş miqyasda istifadəsi üçün hələ zamana ehtiyac var. Van Sinsin bildirir ki, bu sahədə real tətbiqlərin yayılması üçün 3–5 il tələb olunur və bu müddət 10 ildən artıq olmayacaq.
Qeyd olunur ki, fevralın 17-də Unitree Robotics tərəfindən hazırlanmış humanoid robotlar döyüş sənətinə bənzər hərəkətləri nümayiş etdiriblər. Bu çıxışlar robotların sürətini, çevikliyini və tarazlıq qabiliyyətini göstərmək məqsədi daşıyan xüsusi xoreoqrafik performans olub.
Bundan əlavə, insanabənzər robotlar artıq xüsusi əməliyyat zonalarında da istifadə edilir. Onlar əsasən yanacağın daşınması kimi riskli və çətin işlərdə tətbiq olunur.
Dərc edildi:
26.02.2026
