OpenAI şirkətinin yaxın zamanda elan etdiyi Sora video yaratma tətbiqini bağlama planları, eyni zamanda Disney ilə planlaşdırılan 1 milyard dollarlıq lisenziya tərəfdaşlığını da dayandırıb.
Disney açıqlamasında bildirib ki, süni intellekt sahəsi sürətlə inkişaf etdikcə OpenAI-nin bu sahədən çıxmaq qərarına hörmətlə yanaşırlar və digər istiqamətlərə fokuslanmasını anlayırlar. Şirkət həmçinin əməkdaşlıq zamanı əldə edilən təcrübəni yüksək qiymətləndirdiyini və gələcəkdə də yeni texnologiyalarla işləməyə davam edəcəyini qeyd edib.
Hər iki şirkət dekabr ayında 3 illik böyük müqavilə elan etmişdi. Bu razılaşmaya əsasən, Disney-ə məxsus 200-dən çox obraz Sora vasitəsilə yaradılan videolarda istifadə oluna bilərdi və Disney OpenAI-yə 1 milyard dollar investisiya etməyi planlaşdırırdı.
Lakin müqavilənin tamamlanması üçün yekun razılaşmalar və təsdiqlər tələb olunurdu. Son məlumatlara görə isə bu razılaşma heç vaxt tam həyata keçirilməyib və heç bir maliyyə əməliyyatı baş tutmayıb.
